T. Gouzadou
Zouveng, Lamka, Churachandpur
'Tamkhu phatuomlou ahi,hui nua del tawh kibang ahi. Bang aheikhat deigaw tentun jing sanga inei bang bangtoh lungkim ahoizaw hi' Thuhiltu. 6:4.
Manipur vannei singtang mipiin sixth Schedule ngolin ingol ua, buaipi theitop in ibuai pi ua, khenkhat ngel in hou tutung Manipur Assembly sung a bill passed a, Parliament hunsung ngeia, puoh lutman ding huleh Constitution amentment kibawl ding, sixth schedule pen amansa ahita chipawl jong um hi. Manipur AssembIy hakhat sung ving veng kibawl pen hing beitop ta, sixth schedule thu leh la jahdinq - umvawt lou, khuchi ma in Parliament session jonq hing bei kia leu leu ta bill kipawlut som lo. Mipi kinepna pen kichai vawt e, Manipur Assembly session hing kichai phetin Hill Arts Committee Chairman pan Singtang MLA te meeting koupan valuai, meeting ah sixth Schedule noh ding thu passed uh, MLA te Delhi jin uh; thu leh la theiding um tuon lou... kichai vawt hui nua dal toh kibang hi.
Aw le tuni tan in itanu uh Lungnila Elizabeth kimat leh sithu puohnat na leh thuopi na niteng tanchin bu te ah mu ahi nalai hi. Nigiat sung ving veng mantute khuta aum lai in koii tobang organsation in Government of Manipur kungah ultimatum pia aum ei le? Lungnila rescue (hutkhiat) ahi sihleh na ministry uh gin tathuoi lou chia thu pie aum kha ei? Mi nautang to ngaidan in vang Government in chitah tah suoleh khopi sung teng ajan janin imkimkot van potthei sih va uh, Manipur a security te bang ding a um la chite khu mipi kihou na ahi hi. Dih thou na sa sih e, Sum jonq kipie kithat kia nalai. Asi nua in Manipur ministry in cabinet meeting koupan va luoi sam. Damsah thei a aum lai a dam sah leh asi nua a ka khu khoi hoi na sa jawi le? Lungnila thatute kimandoh nan leh jail ah tomkhat koi va un, sum ne va un kiha doh kia pai ta ven chi khu, koulam te kihou na ahi hi. nou lamten bang thu na gen uai le ? akhonung a procession bawl a lamIian juina neite naphat uai ? piI leh siam ikisah leh bang ding a, ahun lai a, pan la ding a government nol lou lah. Phatuom lou hui nua del toh kibang hi.
Tulai tah in ITLC ten Churachandpur sung a siatna ( social evils) teng suh bei ding chi thupi a jang in pan ha lah ma ma uh kipapi huai sang. Nidang lai a Parents Organisation ka lung simah ahing kilang kia hi. Numei kijua te man in, mi inn teng phel sia in thupi tah in hing kipan ua, tun khoilam ah... bang e aphatuom. Ju leh saa a kimawl, numei ki jua, drug tuom tuom bawl chite pen Mangpa Jesu pianma thil umte ahi bou hi. Eima thahatna suh bei thei guol ahisih, Pasian guot asem ding um ahi bou hi. "Pasian theina kichian hilding khu siampute mopuoh na uh ahia; Amauh Manpa bangkim bawlthei thu kitang koupite amauh ahiman in, ama ua kipatin mipiten kadeidan sin uh hen" Malaki 2:7. sathaunu siamputen bang jat vei kijua nu kung ah, drug bawlpa nu kungah lungsiat na taw thupha ahil kha ta uai le? Leader te leh Siamputen thil hoi leh dan bang tah a, nasem ding a mipite hil a pui huai sawm koi a um ei? siamputen election chiangin sum hawm in apang ua, leader te ahi leh miteng si ding kei ma lien ding chi bou a lung sim ua agel uh hilou ama ; Nang leh ken thil hoi leh kilawm bawl som nan lei a bawl ding a Pasian guat ten abawl sih ua Ieh bangma phatuom sih va. "Miten en in, tanah sil tha khat aum hi, achi ua. Hinanlejonq, aumsa eite pien masanq a na umsa ahi bou hi ", Thuhiltu.1:10.
Mipil leh misiam ten khonung a hing tung ding, thilsie leh pha thei ua, mipite kunga agenlawh leng uh ahi siei ma. Khuchiin sithei na mun pansa mipite ahunkhe leng uh hi. Tulai mipil leh misiam ten, mite huhkhiat sang in thil se teng abawl ua, mipi sithei na ding bou agel uh hi."Nou vaiihawmten ngaituona dih na nei ngai uai le? Michin tungah kilawmtahin thu nakhen ngel uai? Naisai lou, giotlouna na bawlthei tan uh na ngaituo ua., leiah gougam tahin tuoltha vai na hawm uh hi" Sam. 58:1-2. Leitungah midih loh hoite dingin mun leh muol, 1(Khat) jong aum non sie, bang teng gel in sai nan lei apha tuom lou hui nua del toh kibang ahi giap hi.
Zouveng, Lamka, Churachandpur
'Tamkhu phatuomlou ahi,hui nua del tawh kibang ahi. Bang aheikhat deigaw tentun jing sanga inei bang bangtoh lungkim ahoizaw hi' Thuhiltu. 6:4.
Manipur vannei singtang mipiin sixth Schedule ngolin ingol ua, buaipi theitop in ibuai pi ua, khenkhat ngel in hou tutung Manipur Assembly sung a bill passed a, Parliament hunsung ngeia, puoh lutman ding huleh Constitution amentment kibawl ding, sixth schedule pen amansa ahita chipawl jong um hi. Manipur AssembIy hakhat sung ving veng kibawl pen hing beitop ta, sixth schedule thu leh la jahdinq - umvawt lou, khuchi ma in Parliament session jonq hing bei kia leu leu ta bill kipawlut som lo. Mipi kinepna pen kichai vawt e, Manipur Assembly session hing kichai phetin Hill Arts Committee Chairman pan Singtang MLA te meeting koupan valuai, meeting ah sixth Schedule noh ding thu passed uh, MLA te Delhi jin uh; thu leh la theiding um tuon lou... kichai vawt hui nua dal toh kibang hi.
Aw le tuni tan in itanu uh Lungnila Elizabeth kimat leh sithu puohnat na leh thuopi na niteng tanchin bu te ah mu ahi nalai hi. Nigiat sung ving veng mantute khuta aum lai in koii tobang organsation in Government of Manipur kungah ultimatum pia aum ei le? Lungnila rescue (hutkhiat) ahi sihleh na ministry uh gin tathuoi lou chia thu pie aum kha ei? Mi nautang to ngaidan in vang Government in chitah tah suoleh khopi sung teng ajan janin imkimkot van potthei sih va uh, Manipur a security te bang ding a um la chite khu mipi kihou na ahi hi. Dih thou na sa sih e, Sum jonq kipie kithat kia nalai. Asi nua in Manipur ministry in cabinet meeting koupan va luoi sam. Damsah thei a aum lai a dam sah leh asi nua a ka khu khoi hoi na sa jawi le? Lungnila thatute kimandoh nan leh jail ah tomkhat koi va un, sum ne va un kiha doh kia pai ta ven chi khu, koulam te kihou na ahi hi. nou lamten bang thu na gen uai le ? akhonung a procession bawl a lamIian juina neite naphat uai ? piI leh siam ikisah leh bang ding a, ahun lai a, pan la ding a government nol lou lah. Phatuom lou hui nua del toh kibang hi.
Tulai tah in ITLC ten Churachandpur sung a siatna ( social evils) teng suh bei ding chi thupi a jang in pan ha lah ma ma uh kipapi huai sang. Nidang lai a Parents Organisation ka lung simah ahing kilang kia hi. Numei kijua te man in, mi inn teng phel sia in thupi tah in hing kipan ua, tun khoilam ah... bang e aphatuom. Ju leh saa a kimawl, numei ki jua, drug tuom tuom bawl chite pen Mangpa Jesu pianma thil umte ahi bou hi. Eima thahatna suh bei thei guol ahisih, Pasian guot asem ding um ahi bou hi. "Pasian theina kichian hilding khu siampute mopuoh na uh ahia; Amauh Manpa bangkim bawlthei thu kitang koupite amauh ahiman in, ama ua kipatin mipiten kadeidan sin uh hen" Malaki 2:7. sathaunu siamputen bang jat vei kijua nu kung ah, drug bawlpa nu kungah lungsiat na taw thupha ahil kha ta uai le? Leader te leh Siamputen thil hoi leh dan bang tah a, nasem ding a mipite hil a pui huai sawm koi a um ei? siamputen election chiangin sum hawm in apang ua, leader te ahi leh miteng si ding kei ma lien ding chi bou a lung sim ua agel uh hilou ama ; Nang leh ken thil hoi leh kilawm bawl som nan lei a bawl ding a Pasian guat ten abawl sih ua Ieh bangma phatuom sih va. "Miten en in, tanah sil tha khat aum hi, achi ua. Hinanlejonq, aumsa eite pien masanq a na umsa ahi bou hi ", Thuhiltu.1:10.
Mipil leh misiam ten khonung a hing tung ding, thilsie leh pha thei ua, mipite kunga agenlawh leng uh ahi siei ma. Khuchiin sithei na mun pansa mipite ahunkhe leng uh hi. Tulai mipil leh misiam ten, mite huhkhiat sang in thil se teng abawl ua, mipi sithei na ding bou agel uh hi."Nou vaiihawmten ngaituona dih na nei ngai uai le? Michin tungah kilawmtahin thu nakhen ngel uai? Naisai lou, giotlouna na bawlthei tan uh na ngaituo ua., leiah gougam tahin tuoltha vai na hawm uh hi" Sam. 58:1-2. Leitungah midih loh hoite dingin mun leh muol, 1(Khat) jong aum non sie, bang teng gel in sai nan lei apha tuom lou hui nua del toh kibang ahi giap hi.
No comments:
Post a Comment